Руски космонаут го собори рекордот за поминато најдолго време во вселената
- Рускиот космонаут Олег Кононенко денеска го собори светскиот рекорд за вкупно време поминато во вселената, надминувајќи го својот сонародник Генадиј Падалка, кој помина повеќе од 878 дена во орбитата, објави руската вселенска агенција Роскосмос.
![Руски космонаут го собори рекордот за поминато најдолго време во вселената](https://new.mia.mk/index.php/images/20240204142622_big_730x400_7.webp )
Москва, 4 февруари 2024 (МИА) - Рускиот космонаут Олег Кононенко денеска го собори светскиот рекорд за вкупно време поминато во вселената, надминувајќи го својот сонародник Генадиј Падалка, кој помина повеќе од 878 дена во орбитата, објави руската вселенска агенција Роскосмос.
Кононенко го собори рекордот во 9:30 часот, соопшти Роскосмос. На 5 јуни рускиот космонаут се очекува да помине вкупно 1.000 дена во вселената, а до крајот на септември треба да биде таму 1.110 дена.
-Не летам во вселената за да поставувам рекорди, горд сум на моите достигнувања. Летам во вселената за да го работам она што најмногу го сакам, а не за да поставувам рекорди, изјави Кононенко од Меѓународната вселенска станица (ISS), на околу 423 километри над Земјата.
Пеесет и деветгодишникот го освои првото место од Падалка, која помина вкупно 878 дена, 11 часа, 29 минути и 48 секунди во вселената, според Роскосмос. мс/
фото: ЕПА