Роналдо: Среќен сум што го постигнав првиот гол во азиската Лига на шампиони
- Кристијано Роналдо синоќа го постигна својот првенец во натпревар од Лигата на шампионите во Азија. Тој му помогна на својот клуб Ал-Наср да дојде до победа со 3:1 над Истиклол од Таџикистан.
![Роналдо: Среќен сум што го постигнав првиот гол во азиската Лига на шампиони](https://new.mia.mk/index.php/images/20231003092433_big_730x400_22.webp )
Ријад, 3 октомври 2023 (МИА) - Кристијано Роналдо синоќа го постигна својот првенец во натпревар од Лигата на шампионите во Азија. Тој му помогна на својот клуб Ал-Наср да дојде до победа со 3:1 над Истиклол од Таџикистан.
Саудискиот клуб губеше до 66. минута кога Роналдо изедначи на 1:1.
- Добра игра на целиот тим! Среќен што го постигнав мојот прв гол во азиската Лига на шампиони! Продолжуваме да победуваме 💙💛! – напиша Португалецот на социјалните мрежи.
Роналдо се запиша во листата на стрелците на трет натпревар по ред. Тој за Ал-Наср има 39 поени (31 гол, 8 асистенции) на 35 натпревари. зс/
Фото: ЕПА