Лас Вегас, 23 ноември 2024 (МИА) - Британскиот возач на Мерцедес Џорџ Расел победи во квалификациите за Големата награда на Лас Вегас во Формула 1, откако ќе почне од пол-позицијата утре наутро. Тој го постави најдоброто време од 1:32.312 минути на крајот од квалификациите кога патеката беше најбрза. Расел ја продолжи својата добра форма со победа во последниот слободен тренинг претходно утринава.

Шпанскиот возач на Ферари, Карлос Саинц, кој заврши 0,098 зад победникот, ќе стартува од втората позиција.

Големо изненадување приреди Французинот Пјер Гасли од Алпин, кој постави трето време од 1:32.664 минути.

Другиот возач на Ферари - Шарл Леклер од Монако ќе стартува четврти, а веднаш по него е светскиот шампион Макс Верстапен, кој утре ќе има можност да ја освои четвртата последователна титула.

Неговиот голем ривал кај пилотите – Ландо Норис (Велика Британија, Мекларен), ќе стартува од шестата позиција на стартниот грид. дс

Фото: Архива