Рамос до Бејл: Беше радост да споделам толку прекрасни моменти со тебе
- Дефанзивецот на ПСЖ, Серхио Рамос се обрати кон својот поранешен соиграч Герет Бејл, кој стави крај на фудбалската кариера.
![Рамос до Бејл: Беше радост да споделам толку прекрасни моменти со тебе](https://new.mia.mk/index.php/images/20230110110230_big_730x400_5.webp )
Мадрид, 10 јануари 2023 (МИА) - Дефанзивецот на ПСЖ, Серхио Рамос се обрати кон својот поранешен соиграч Герет Бејл, кој стави крај на фудбалската кариера.
Фудбалерите играа заедно за Реал Мадрид од 2013 до 2021 година. Заедно трипати го освоија шпанското првенство, Купот и Суперкупот на земјата, а пет пати ја освоија и Лигата на шампионите.
- Герет, ми беше радост да споделам толку одлични моменти со тебе... Зад себе остави толку многу титули, голови и радосни моменти. Ти посакувам се најдобро во новата фаза од твојот живот, напиша Рамос на социјалната мрежа.
Триесет и тригодишниот Велшанец на 9 јануари објави дека се пензионира. Последен клуб на Бејл беше американскиот Лос Анџелес, а играше и за тимови како Саутемптон и Тотенхем. зс/