Во Софија промоција на книгите „Цариградски емигрант“ и „Граница“ од Луан Старова
- Во Културно-информативниот центар во Софија денеска по повод Денот на независноста – 8-ми септември ќе се одржи промоција на книгите „Цариградски емигрант“ и „Граница“ од Луан Старова.
![Во Софија промоција на книгите „Цариградски емигрант“ и „Граница“ од Луан Старова](https://new.mia.mk/index.php/images/20230907075222_big_730x400_91.webp )
Скопје, 7 септември 2023 (МИА) - Во Културно-информативниот центар во Софија денеска, во пресрет на Денот на независноста – 8-ми септември ќе се одржи промоција на книгите „Цариградски емигрант“ и „Граница“ од Луан Старова.
За промоцијата на книгите од големиот македонски писател со албанско потекло ќе присуствуваат: издавачот Пламен Тотев, преведувачот Маријан Петров, како и семејството на писателот. Двете книги, во превод на бугарски јазик, излегоа од печат оваа година како изданија на издавачките куќи „Персеј“ и „Изида“, соопштија од КИЦ во Софија. ев/