Прилеп со заедничка традиција за Василица и Стара Нова Година
- Преку 400 парчиња бурек, над 100 литри варено вино и чај на прилепчани денеска им беа разделени во центарот, на плоштадот пред Саат Кулата. Во едно од буречињата е и среќната паричка, и добит
![Прилеп со заедничка традиција за Василица и Стара Нова Година](https://new.mia.mk/index.php/images/20221112025159_big_730x400_58.webp )
Прилеп, 13 јанури 2022 (МИА) - Преку 400 парчиња бурек, над 100 литри варено вино и чај на прилепчани денеска им беа разделени во центарот, на плоштадот пред Саат Кулата. Во едно од буречињата е и среќната паричка, и добитникот ќе добие од прилепската локална самоуправа златен крст и желби за среќа и здравје во семејството.
На овој начин Пирлеп воспоставува традиција на заедништво за Стара Нова година и за празникот Василица, посебен за прилепчани кога, според вековната традиција, на ручекот во семејството, се врти мазникот со среќната паричка и кој ќе ја добие, ќе го следи среќа целата година.
![прилеп василица](/articles/images/%d0%bf%d1%80%d0%b8%d0%bb%d0%b5%d0%bf-%d1%81%d0%be-%d0%b7%d0%b0%d0%b5%d/aKVYN5MRs/placeholder.webp?use_watermark=0)
Прилепчани ја поздравуваат оваа нова традиција и посакуваат желбите за среќа и здравје оваа година да се исполнат. Објаснуваат дека потрагата по среќната паричка има своја основа: Светецот Василиј е познат по тоа што делел пари на народот.
Според прилепскиот градоначалник Борче Јовчески, во воспоставувањето на традицијата помогнале повеќе општествено одговорни фирми во градот, а желбата е да се воспостави традиција на заедништвото.
![прилеп василица](/articles/images/%d0%bf%d1%80%d0%b8%d0%bb%d0%b5%d0%bf-%d1%81%d0%be-%d0%b7%d0%b0%d0%b5%d/CvzhYWghe/placeholder.webp?use_watermark=0)
- Среќен сум што воспоставуваме традиција. Се надевам дека в година ќе нема маски, ограничувања и уште побогато ќе го одбележиме празникот Василица и Стара Нова Година и ќе не спои заедништвото. Во поделените буречиња има и паричка и среќниот добитник ќе доби златен крст и желби семејствотода му е среќно и здраво. Догодина се надеваме дека нема да има рестрикции и ограничувања и дека ќе биде побогато, со гости од други општини, изјави Јовчески.ем/бт/