Почина јапонскиот дизајнер Кансаи Јамамото
- Кансај е можеби најпознат по својата соработка со американскиот пејач Дејвид Боуви, но и како своевиден пионер во модната индустрија во Јапонија во 1970-тите.
![Почина јапонскиот дизајнер Кансаи Јамамото](https://new.mia.mk/index.php/images/20221104160901_big_730x400_37.webp )
Токио, 27 јули 2020 (МИА) -Јапонскиот моден дизајнер Кансаи Јамамото почина на 76-годишна возраст, од леукемија. Веста за смртта ја соопшти неговата ќерка денеска.
„Тој го напушти овој свет мирно, опкружен од саканите. Во моите очи, мојот татко не беше само електричната и енергична душа што светот ја знаеше, туку и некој со секогаш добра мисла, чисто срце и силно влијание“, напиша на Инстаграм јапонската глумица Мирај Јамамото.
Кансај е можеби најпознат по својата соработка со американскиот пејач Дејвид Боуви, но и како своевиден пионер во модната индустрија во Јапонија во 1970-тите. Во своите забележителни дизајни, тој често вметнуваше и јапонски народни мотиви. си/сд/