Покетино: Фудбалерите на Челзи треба да бидат разочарани од поразот од Ливерпул
- Тренерот на Челзи, Маурисио Покетино е разочаран по поразот од Ливерпул (0:1) во финалето на англискиот Лига куп.
![Покетино: Фудбалерите на Челзи треба да бидат разочарани од поразот од Ливерпул](https://new.mia.mk/index.php/images/20240226100613_big_730x400_32.webp )
Лондон, 26 февруари 2024 (МИА) - Тренерот на Челзи, Маурисио Покетино е разочаран по поразот од Ливерпул (0:1) во финалето на англискиот Лига куп.
„Сините“ од Лондон во финалето одиграно вчеравечер на „Вембли“ примија гол во самиот финиш од второто продолжение.
- Создадовме 5-6 шанси и не постигнавме гол. Во натпревар како денешниот и во финалето, да се постигне прв гол е голема предност. Примивме гол во последен момент и тешко е некако да се реагира на тоа. Тимот се бореше за трофеј што не го добивме. Играчите треба да бидат разочарани. Му честитаме на Ливерпул и продолжуваме да одиме напред, изјави Покетино за „Би-би-си“.
Челзи стана првиот тим во англиската историја кој загубил шест финалиња по ред во домашните купови. зс/
Фото: ЕПА