Познати полуфиналните двојки на Европското ракометно првенство
- На Европското првенство во ракомет што се игра во Германија по денешните два натпревара од 5. коло во Групата-1 формирани се двојките за полуфиналето. На домаќинот на шампионатот во прилог му одеа поразите на Австрија и на Унгарија, па вечерашниот дуел со Хрватска нема да има резултатско значење.
![Познати полуфиналните двојки на Европското ракометно првенство](https://new.mia.mk/index.php/images/20240124205259_big_730x400_51.webp )
Келн, 24 јануари 2024 (МИА) – На Европското првенство во ракомет што се игра во Германија по денешните два натпревара од 5. коло во Групата-1 формирани се двојките за полуфиналето. На домаќинот на шампионатот во прилог му одеа поразите на Австрија и на Унгарија, па вечерашниот дуел со Хрватска нема да има резултатско значење.
Во полуфиналето ќе играат:
Франција – Шведска и
Данска – Германија.
На досега завршените средби од 5. коло во првата група, Австрија загуби од Исланд со 24:26, додека Франција ја победи Унгарија со 35:32. Во тек е мечот Германија – Хрватска.
Без оглед на резултатот од последниот натпревар во Главната рунда, првото место во Групата 1 го освои Франција, втора е Германија, следуваат Унгарија, Австрија, Исланд и Хрватска. зс/
Фото: ЕПА