Пецаков: Изградба на велосипедска патека Охрид – Свети Стефан
- Кандидатот за градоначалник на Охрид на ВМРО-ДПМНЕ, Кирил Пецаков во својата изборна програма најави изградба на велосипедската патека од Охрид до Свети Стефан за безбедно движење на велосипе
![Пецаков: Изградба на велосипедска патека Охрид – Свети Стефан](https://new.mia.mk/index.php/images/20221108211312_big_730x400_85.webp )
Охрид, 27 октомври 2021 (МИА) – Кандидатот за градоначалник на Охрид на ВМРО-ДПМНЕ, Кирил Пецаков во својата изборна програма најави изградба на велосипедската патека од Охрид до Свети Стефан за безбедно движење на велосипедистите од излезот на градот до туристичката населба.
-Охриѓани и гостите со оваа патека добиваат ново место за рекреација на современ и модерен начин и можност да го користат своето време активно практикувајќи здрави навики за возење велосипед. Проектот е и во функција на заштита и унапредување на животната средина, вели Пецаков.
Проектот покрај задоволување на големиот интерес на населението за патување со велосипед, придонесува за подобрена туристичката понуда во Охрид и директно се придонесува за зголемување на атрактивноста на градот, привлекување и задржување на посетителите. аб/мд/