Петровска во посета на припадниците на Армијата во Кампот за обука на вода во Охрид
- Министерката за одбрана Славјанка Петровска денеска во Охрид ги посети припадниците на Армијата во Кампот за обука на вода, кој е дел од армискиот Центар за поддршка на обуката во Командата з
![Петровска во посета на припадниците на Армијата во Кампот за обука на вода во Охрид](https://new.mia.mk/index.php/images/20221113130437_big_730x400_79.webp )
Скопје, 10 мај 2022 (МИА) - Министерката за одбрана Славјанка Петровска денеска во Охрид ги посети припадниците на Армијата во Кампот за обука на вода, кој е дел од армискиот Центар за поддршка на обуката во Командата за обука и доктрини.
Како што соопшти денеска од МО, Петровска на средба со командирот на Кампот, потполковникот Ванчо Ташев упати порака дека инвестирањето во човечките капацитети, заедно со опремувањето со нова и модерна опрема, е прв приоритет за Министерството и дека обуката на вода е еден значаен сегмент за севкупен развој на способностите на припадниците на Армијата.
- Министерството и Армијата активно вложуваат во способностите на армиските припадници. Силата на нашата Армија доаѓа од силата на секој наш припадник поединечно и затоа посветуваме особено внимание на Воената академија и сите наши центри за обука во армиската Команда за обука и доктрини, вклучувајќи го и Кампот за обука на вода во Охрид, изјави министерката Петровска.
Кампот за обука на вода изведува обука во пливање, нуркање, изработка на импровизирани пловни средства и совладување на водени препреки за припадниците на Армијата, вклучувајќи ги и специјалните единици. цр/сп/
![Slika_02](/articles/images/%d0%bf%d0%b5%d1%82%d1%80%d0%be%d0%b2%d1%81%d0%ba%d0%b0-%d0%b2%d0%be-%d/0p9WYc28y/placeholder.webp?use_watermark=0)
![Slika_03](/articles/images/%d0%bf%d0%b5%d1%82%d1%80%d0%be%d0%b2%d1%81%d0%ba%d0%b0-%d0%b2%d0%be-%d/aZ9lj46tl/placeholder.webp?use_watermark=0)