„Патувачки караван“ на кумановската библиотека „Тане Георгиевски“
- Дваесетина работилници за популаризација на книгата и промоција на македонските автори ќе бидат реализирани во рамките на проектот „Патувачки караван - патуваме и сонуваме“, информираа, денес
![„Патувачки караван“ на кумановската библиотека „Тане Георгиевски“](https://new.mia.mk/index.php/images/20221112141100_big_730x400_68.webp )
Куманово, 5 март 2022 (МИА) - Дваесетина работилници за популаризација на книгата и промоција на македонските автори ќе бидат реализирани во рамките на проектот „Патувачки караван - патуваме и сонуваме“, информираа, денеска надлежните од кумановската библиотека „Тане Георгиевски“.
- Активностите претежно се спроведуваат во руралните училишта и започнавме од почетокот на годинава. Одржавме работилница во подрачното училиште „Кочо Рацин“ во селото Орашац. Следната седмица работилници ќе бидат организирани во основните училишта во населбата Иго Тричковиќ и во селата Љубодраг и Черкези, изјави директорката на библиотеката, Христина Алексовска.
Од библиотеката сметаат дека на овој начин ќе ги привлечат најмладите и ќе ја популаризираат книгата и читањето, а ќе придонесат и за збогатување на знаењата и збогатување на речникот.
Претходно, од библиотеката информираа дека лани го збогатиле книжниот фонд за 4.480 библиотечни единици. Околу 6.000 кумановци се корисници и членови на библиотеката кои редовно позајмуваат книга. Со книжен фонд од околу 237.000 примероци, кумановската библиотека е меѓу најдобро снабдените во земјава.ам/вј/
![библиотека](/articles/images/%d0%bf%d0%b0%d1%82%d1%83%d0%b2%d0%b0%d1%87%d0%ba%d0%b8-%d0%ba%d0%b0%d1/tNlp68jW3/placeholder.webp?use_watermark=0)