Парис Хилтон го најави својот биографски документарец
- - Никој не знае кој сум, всушност. Има работи од моето детство за коишто никогаш не сум разговарала со никого. Сè уште имам кошмари од тоа!, вели жената која „на црвениот тепих“ е најпозната
![Парис Хилтон го најави својот биографски документарец](https://new.mia.mk/index.php/images/20221104155338_big_730x400_5.webp )
Лос Анџелес, 23 јули 2020 (МИА) - Парис Хилтон го најави својот нов, биографски документарец под наслов „Ова е Парис“, во видеоврска во „Шоуто на Џими Кимел“.
- Никој не знае кој сум, всушност. Има работи од моето детство за коишто никогаш не сум разговарала со никого. Сè уште имам кошмари од тоа!, вели жената која „на црвениот тепих“ е најпозната како наследничка на дедо ѝ - хотелиерот Конрад Хилтон.
Парис натаму не сакаше да навлегува во подробности околу содржината на документарниот филм
- Возбудена сум, но исто така, сум и многу нервозна... Знаете, со оглед на темите во овој филм за коишто порано не сум разговарала - навистина лични и трауматски искуства. Значи, да се зборува за тоа јавно е очигледно многу тешко, вели таа.
Филмот излегува на 14 септември на Јутјуб-каналот на Парис Хилтон. си/