Папата е загрижен за одлуката на Киев да ја забрани Украинската православна црква
- имајќи ги предвид законите што неодамна беа усвоени во Украина, чувствува загриженост за слободата на оние кои се молат, бидејќи, како што рече, тој што навистина се моли го прави тоа за сите.
![Папата е загрижен за одлуката на Киев да ја забрани Украинската православна црква](https://new.mia.mk/index.php/images/20240825154014_big_730x400_30.webp )
Ватикан, 25 август 2024 (МИА) - Папата Франциск денеска изрази загриженост поради одлуката на Киев да ја забрани Украинската православна црква што е поврзана со Московската патријаршија.
„Ниту една христијанска црква не треба да биде укината директно или индиректно“, рече Папата по тој повод.
Тој додаде дека продолжува болно да ја следи ситуацијата во Украина и Руската Федерација, а имајќи ги предвид законите што неодамна беа усвоени во Украина, чувствува загриженост за слободата на оние кои се молат, бидејќи, како што рече, тој што навистина се моли го прави тоа за сите.зш/