Откажани летовите од Виена до Скопје и обратно поради штрајк на вработените во „Аустријан ерлајнс“
- Откажани се летовите од Виена до Скопје и обратно поради штрајк на вработените во авиокомпанијата „Аустријан ерлајнс“.
![Откажани летовите од Виена до Скопје и обратно поради штрајк на вработените во „Аустријан ерлајнс“](https://new.mia.mk/index.php/images/20240328115522_big_730x400_49.webp )
Скопје, 28 март 2024 (МИА) - Откажани се летовите од Виена до Скопје и обратно поради штрајк на вработените во авиокомпанијата „Аустријан ерлајнс“.
На официјалната веб страница на Меѓународниот аеродром Скопје не се ставени ниту полетувањата, ниту слетувањата со оваа авиокомпанија.
Поради штрајкот, којшто според најавите треба да трае денеска и утре, глобално откажани се околу 400 лета и засегнати се околу 50.000 патници.
Во текот на овие два дена оваа авиокомпанија требаше да реализира 24 лета од Виена до градовите во поранешна Југославија вклучувајќи летови до Белград, Сараево, Загреб, Приштина, Скопје, Подгорица, Дубровник и Сплит. бак/са/
Фото: МИА архива