Објавен датумот на премиерата на филмот „Барби“
Лос Анџелес, 28 април 2022 (МИА) - Марго Роби живее во светот на „Барби“. Како дел од собирот „Синема-кон“, којшто се одржува во Лас Вегас, „Ворнер брос“ ја сподели првата фотографија од глумицата во улога на култната кукла на „Мател“, како и датумот на првите киноприкажувања.
Филмот режиран од Грета Гервиг, ќе биде објавен на 21 јули 2023 година, соопшти студиото. Во него ќе глумат и Рајан Гослинг како Кен, Иса Рае, Вил Ферел, Кејт Мекинон, Симу Лиу, Мајкл Сера и Америка Ферера.
Претходно, улогата на Барби требаше да ја игра Ејми Шумер, која потпиша договор за филмот во декември 2016 година, но по неколку месеци се откажа поради „преполн распоред“. си/паг/
