Најмалку 26 загинати во експлозии во близина на штабови на кандидати пред изборите во Пакистан
- Во две експлозии во близина на изборните штабови на кандидати во пакистанската југозападна провинција Белуџистан денеска загинаа најмалку 26 лица, еден ден пред парламентарните избори што треба да се одржат во оваа јужноазиска земја.
![Најмалку 26 загинати во експлозии во близина на штабови на кандидати пред изборите во Пакистан](https://new.mia.mk/index.php/images/20240207125128_big_730x400_34.webp )
Карачи, 7 февруари 2024 (МИА) - Во две експлозии во близина на изборните штабови на кандидати во пакистанската југозападна провинција Белуџистан денеска загинаа најмалку 26 лица, еден ден пред парламентарните избори што треба да се одржат во оваа јужноазиска земја.
Во нападот во Пишин, област во провинцијата Белуџистан во близина на границата со Авганистан, загинаа најмалку 15 лица, а 30 се ранети, соопштија локалните власти.
Експлозијата се случи пред канцеларијата на изборниот штаб на независниот кандидат и поранешен провинциски министер Асфандијар Кан Какар, соопштија официјални лица, додавајќи дека тој не е повреден во експлозијата.
Втората експлозија се случи во Кила Саифула, во близина на седиштето на Маулана Абдул Васи, кандидатот на Џамијат Улема Ислам (ЈУИ), верска партија која претходно беше цел на милитантни напади, изјави Јасир Баз, шеф на локалната администрација. Најмалку 11 лица загинаа во нападот, соопштија официјални лица.
Пакистан ќе одржи избори среде напливот на милитантните напади во последните месеци и затворањето на Имран Кан, победникот на последните национални избори, кој доминираше на насловните страници.
Се уште ниту една група не ја презеде одговорноста за експлозиите. Неколку групи, вклучително и Ослободителната војска на Белуџистан (БЛА), забранетата балошка сепаратистичка група, исламистичкиот милитант Техрик-е Талибан Пакистан (ТТП) и терористичката Исламска држава (ИД) извршија напади во последните месеци во регионот.
Нападот се случи откако политичките партии ја завршија својата кампања, односно за време на изборниот молк, пропишан со изборните правила ден пред изборите. ссм/
фото: ЕПА