Автобусите на ЈСП денеска и утре по неделен возен ред, со исклучок на некои линии
- Поради верскиот празник Богојавление (Водици), денеска јавниот превоз ќе функционира по неделен возен ред, а исклучок ќе бидат линиите 18А, 32, 51, 56, 56А, 70, 74, 81, 118 и 180 кои ќе сообраќаат по саботен возен ред.
![Автобусите на ЈСП денеска и утре по неделен возен ред, со исклучок на некои линии](https://new.mia.mk/index.php/images/20240118153659_big_730x400_46.webp )
Скопје, 19 јануари 2024 (МИА) - Поради верскиот празник Богојавление (Водици), денеска јавниот превоз ќе функционира по неделен возен ред, а исклучок ќе бидат линиите 18А, 32, 51, 56, 56А, 70, 74, 81, 118 и 180 кои ќе сообраќаат по саботен возен ред.
По неделен возен ред, како што информираат од ЈСП Скопје, ќе се вози и утре (сабота), со исклучок на посочените линии кои повторно ќе функционираат по саботен возен ред.
Од ЈСП Скопје велат дека денеска дежурни ќе бидат билетарниците на Транспортен центар и во Ѓорче Петров, кои ќе работат од 7 до 14 часот, додека утре (сабота) сите билетарници ќе работат со вообичаеното работно време.
Жичницата, пак, сите денови ќе работи од 10 до 17 часот. дма/бак/
Фото: МИА архива