Киев, 7 ноември 2024 (МИА) – Повеќе од 30 руски дронови беа соборени на периферијата на Киев, а остатоци паднаа во шест станбени области на главниот град на Украина, соопшти денеска градската воена управа.

- Руската армија во текот на ноќта повторно го нападна главниот град на Украина со нападни дронови. Тоа беше голем напад. Непријателските дронови се приближуваа поединечно и во групи. Нападот беше изведен во бранови од различни правци и висини, се вели во соопштението на Воената управа на Киев.

Остатоци од дронови паднале во шест населби. Оштетени се станбени и нестанбени објекти. Пожарите кои биле предизвикани од експлозии брзо биле изгаснати.

Две лица се повредени, но не се во животна опасност. јт/

Фото: Зеленски Фејсбук