Милевски: Во Италија не сме дојдеме како туристи
- Селекторот на македонската фудбалска репрезентација, Благоја Милевски ги искажа своите очекувања за утрешниот натпревар со фаворитот Италија.
![Милевски: Во Италија не сме дојдеме како туристи](https://new.mia.mk/index.php/images/20231116194809_big_730x400_62.webp )
Рим, 16 ноември 2023 (МИА) – Селекторот на македонската фудбалска репрезентација, Благоја Милевски ги искажа своите очекувања за утрешниот натпревар со фаворитот Италија.
- Секогаш очекувам успех. Не сме дојдеме како туристи туку да извлечеме што е можно повеќе. Секој натпревар е посебна приказна за себе. И овој што не очекува утре е посебен. Сам по себе носи убавина, но и тежина. Ние сме туку да го дадеме најдоброто од нас. Сме во фаза на создавање млад тим кој ќе биде конкурентен во наредните 4-5 години. Момците кои добиваат минутажа ја оправдуваат довербата. Немаме резултатски императив, но секогаш кога настапувате за својата држава мора да дадете се од себе. Ривалот ни е од топ 3 во светот, ама ние покажавме дека со нив можеме да се носиме, изјави Милевски на вечерашната прес-конференција.
Натпреварот ќе биде од претпоследното коло во групата од квалификациите за Европското фудбалско првенство во 2024 година.
Во досегашните четири меѓусебни натпревари двете репрезентации имаат по една победа, а два натпревара завршија нерешено.
Средбата меѓу италијанската и македонската репрезентација ќе се игра утревечер во Рим со почеток во 20:45 часот. зс/
Фото: МИА