Медински: Подготвени сме за продолжување на дијалогот, топката е во дворот на Украина
- Ние од наша страна подготвени сме за продолжување на дијалогот. Но, би сакал да нагласам дека топката, кога станува збор за понатамошни мировни преговори, е во дворот на Украина, истакна тој
![Медински: Подготвени сме за продолжување на дијалогот, топката е во дворот на Украина](https://new.mia.mk/index.php/images/20221113141225_big_730x400_69.webp )
Москва, 23 мај 2022 (МИА) - Русија е подготвена да ги продолжи разговорите со Украина, замрзнати на иницијатива на Киев, изјави денеска главниот руски преговарач Владимир Медински.
- Ние од наша страна подготвени сме за продолжување на дијалогот. Но, би сакал да нагласам дека топката, кога станува збор за натамошните мировни преговори, е во дворот на Украина, истакна тој за белоруската телевизија ОНТ, јави Тасс.
Медински повтори дека до замрзнување на разговорите дошло „целосно“ на иницијатива на Украина. бд/сд/