Македонските ракометари подобри на првиот тест-натпревар со Црна Гора
- Македонската ракометна репрезентација забележа победа на денешниот натпревар со Црна Гора. Избраниците на селекторот Кире Лазаров одиграа рутински натпревар и заслужено победија со 38:33.
![Македонските ракометари подобри на првиот тест-натпревар со Црна Гора](https://new.mia.mk/index.php/images/20221227205044_big_730x400_70.webp )
Маврово, 27 декември 2022 (МИА) – Македонската ракометна репрезентација забележа победа на денешниот натпревар со Црна Гора. Избраниците на селекторот Кире Лазаров одиграа рутински натпревар и заслужено победија со 38:33.
Најефикасен во победничкиот состав беше Дејан Манасков со 10 голови, по пет постигнаа Гоце Георгиевски, Филип Талески и Игор Ѓоргиев.
Двете репрезентации утре ќе одиграат уште еден пријателски натпревар.
Овие натпревари, како и претстојните против Хрватска и Израел на почетокот на јануари се во рамките на подготовките за настапот на македонскиот национален тим на Светското првенство 2023 во Полска и Шведска. зс/