Луфтханза откажа повеќе од илјада летови поради штрајк
- Германската авиокомпанија Луфтханза откажа повеќе од 1.000 летови во и од своите центри во Франкфурт и Минхен во наредните денови поради штрајк.
![Луфтханза откажа повеќе од илјада летови поради штрајк](https://new.mia.mk/index.php/images/20221113185041_big_730x400_9.webp )
Франкфурт, 26 јули 2022 (МИА) - Германската авиокомпанија Луфтханза откажа повеќе од 1.000 летови во и од своите центри во Франкфурт и Минхен во наредните денови поради штрајк.
Околу 134.000 патници ќе бидат погодени од откажувањата меѓу вторник и петок, соопшти авиопревозникот.
Верди, еден од најголемите германски синдикати, ги повика околу 20.000 вработени во Луфтханза од копнениот персонал да одржат еднодневен штрајк в среда со цел да се засили притисокот во тековните преговори за платите. паг/