Ливерпул контактирале со Баер за Чаби Алонсо
- Раководството на Ливерпул директно ги контактирале колегите на чело на Баер Леверкузен за да ја изразат својата желба да го привлечат Чаби Алонсо за менаџер на „црвените“, открива „Билд“.
![Ливерпул контактирале со Баер за Чаби Алонсо](https://new.mia.mk/index.php/images/20240228174844_big_730x400_55.webp )
Ливерпул, 28 февруари 2024 (МИА) - Раководството на Ливерпул директно ги контактирале колегите на чело на Баер Леверкузен за да ја изразат својата желба да го привлечат Чаби Алонсо за менаџер на „црвените“, открива „Билд“.
Одделно, „Енфилд“ за ова го известил и личниот агент на тренерот - Ињаки Ибанез.
Ова следи по информациите во последните денови дека англискиот клуб веќе имал разговори со самиот Алонсо со цел да го убеди да го прифати предизвикот да го наследи Јирген Клоп од летото.
Во принцип, Шпанецот има договор со Баер на уште две сезони и неговиот клуб верува дека ќе остане на чело на тимот.
Не се потврдени гласините дека Чаби Алонсо има клаузула во договорот која му овозможува да си замине без обештетување во случај на понуда од Ливерпул, Баерн Минхен или Реал Мадрид.дс
Фото: Архива