Москва, 3 март 2025 (МИА) -  Русија и Турција ќе одржат контакти на највисоко ниво кога тоа ќе биде потребно, изјави портпаролот на Кремљ, Дмитриј Песков, пренесе руската новинска агенција ТАСС.

- Доколку биде потребно, ќе има средби на највисоко ниво. Нашите односи се толку блиски и функционални што сите неопходни контакти може да се организираат за само неколку часа, рече Песков.

На Самитот на БРИКС во Казан, главниот град на руската република Татарстан, турскиот претседател Реџеп Тајип Ердоган изјави дека очекува посета од рускиот претседател Владимир Путин „во многу блиска иднина“. Во одговор, Путин потврди дека ќе ја посети Турција. ссм/

фото: архива