Костовски: Мицкоски и Апасиев доживеаја пораз на изборите и добија жежок шамар од граѓаните
- На вонредените локални избори анти европската коалиција на Мицкоски и Апасиев доживеа пораз, им се случи дебакл.
![Костовски: Мицкоски и Апасиев доживеаја пораз на изборите и добија жежок шамар од граѓаните](https://new.mia.mk/index.php/images/20221113203317_big_730x400_31.webp )
Скопје, 23 август 2022
На вонредените локални избори анти европската коалиција на Мицкоски и Апасиев доживеа пораз, им се случи дебакл.
Двојна победа на СДСМ и коалицијата во две општини каде што имаше избор за градоначалник и драстичен пад на гласовите на ВМРО-ДПМНЕ е резултатот на овие избори.
Пораката на граѓаните е жежок шамар за Мицкоски и Апасиев. Не сакаат граѓаните блокади, деструкции и лаги. Сакаат напредок, поголеми плати, европски вредности и сигурна иднина.
На првото изборно соочување Ковачевски го победи Мицкоски. Затоа и го нема Мицкоски да се јави 5 дена, макар и на својот Фејсбук профил.
Поразот на Мицкоски во Маврово Ростуше е директен и уште поголем бидејќи загуби кандидатот на ВМРО-ДПМНЕ, кој е член на Извршниот комитет на партијата.
Тој член на ИК на ВМРО-ДПМНЕ загуби од кандидатот на СДСМ и Коалицијата со разлика од 1.300 гласови.
Кандидатот му бил дел од Извршниот комитет ама Мицкоски не го претсавува ниту него ниту дргугите членови на ИК на веб страната на ВМРО-ДПМНЕ.
Ете до толку се плаши Мицкоски од поразите кои ги ниже.
Истовремено, на вонредните избори за советници во општина Тетово ВМРО-ДПМНЕ забележа драматичен пад на поддршката од граѓаните. Од скоро 6.000 гласови во 2017 година ВМРО-ДПМНЕ падна на 3.000 гласови.
ВМРО-ДПМНЕ во општина Тетово, која има над 80.000 гласачи, освои помалку гласови од СДСМ и коалицијата во Центар Жупа.
Ученикот Апасиев го надмина падот на професорот Мицкоски, во Тетово не освои ниту еден, повторувам ниту еден советник.
Двојната победа на СДСМ и коалицијата предводена од Ковачевски покажа дека Мицкоски и Апсиев немаат поддршка од граѓаните.
Сите анкети што ги нарачуваа и лажно ги пласираше ВМРО-ДПМНЕ се потврди сега дека се лажни и погрешни.
Прес-конференција на Мартин Костовски, пратеник на СДСМ
Центар за комуникации со јавноста на СДСМ
—————————————————————————————————————————————
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.