Ковид-19 и карантинот го намалија бројот на новороденчиња во Грција
- Во ноември и декември 2020 година, односно девет месеци по првиот карантин, за 6,5 отсто се намалил бројот на новороденчиња во Грција, споредбено со истиот период во 2019 година, согласно под
![Ковид-19 и карантинот го намалија бројот на новороденчиња во Грција](https://new.mia.mk/index.php/images/20221106142325_big_730x400_50.webp )
Атина, 23 март 2021 (МИА) – Во ноември и декември 2020 година, односно девет месеци по првиот карантин, за 6,5 отсто се намалил бројот на новороденчиња во Грција, споредбено со истиот период во 2019 година, согласно податоците од Министерството за внатрешни работи, кои ги објавува грчката новинска агенција АНА-МПА, јави дописничката на МИА од Атина.
-Ова значи дека младите што се во репродуктивна возраст сериозно се погодени од пандемијата на Ковид-19, како емоционално, така и финансиски, поради долгиот карантин и поради неможност за било какво планирање на семејство, објаснува за АНА-МПА генералниот секретар за внатрешни работи Михалис Ставрианудакис.
Намалување на бројот на новороденчиња имало и во јануари годинава, споредбено со истиот месец лани. ср/сд