Кирјос парично казнет за неспортско однесување на натпреварот против Хачанов
Њујорк, 8 септември 2022 (МИА) - Австралискиот тенисер Ник Кирјос е казнет со 14.000 долари поради неспортско однесување откако беше елиминиран во четвртфиналето на УС Опен.
На меч со Карен Хачанов пред два дена, Кирјос скрши пластично шише на теренот, а по натпреварот искрши два рекети. Ова е петта парична казна за Кирјос за турнирот. Вкупната сума изнесувала 32,5 илјади долари.
Наградата на Австралиецот за пласман во четвртфиналето ќе биде 445.000 долари.
Во полуфиналето на турнирот Хачанов ќе игра со норвешкиот тенисер Каспер Руд. зс/
