Кина ги обучува своите вооружени „кучиња-роботи“
- Кинеската војска ги покажа способностите на новото „куче-робот“ со автоматска пушка на грбот.
![Кина ги обучува своите вооружени „кучиња-роботи“](https://new.mia.mk/index.php/images/20240529090026_big_730x400_35.webp )
Пекинг, 29 мај 2024 (МИА) - Во неодамнешните заеднички воени вежби со Камбоџа, кинеската војска ги покажа способностите на новото „куче-робот“ вооружено со автоматска пушка на грбот.
- Тоа може да послужи како нов член во нашите урбани борбени операции, заменувајќи ги нашите човечки членови, да врши извидување, да го идентификува непријателот и да ја гаѓа целта, изјави војникот Чен Веј за Кинеската државната телевизија.
Видеоснимките од вежбата „Златен змеј 2024: Кина - Камбоџа“ го покажуваат роботот како се движи напред-назад, скокнува, „лежи“ - управувано со далечински уред.
🇨🇳 PLA showcased two robot dogs — including one with a QBZ-95 assault rifle mounted on its back — during the 15-day China-Cambodia Golden Dragon 2024 joint military exercises that began on May 16. pic.twitter.com/b75K26BWzo
— Byron Wan (@Byron_Wan) May 27, 2024
Воената употреба на роботски кучиња не е нешто ново. Во Кина лани во ноември се одржа заедничка вежба на кинеската, камбоџанската, лаоската, малезиската, тајландската и виетнамската војска. Во 2020 година, американските воздухопловни сили исто така демонстрираа употреба на кучиња-роботи. си/
Фото: „Х“