Италијанецот Алесио Окипинти победник на Охридскиот пливачки маратон, французинката Каролин Жуис најдобра кај жените
- Италијанскиот пливач Алесио Окипинти е победник на 36-тиот Охридски пливачки маратон. Тој патеката „Климе Савин“ од Свети Наум до Охрид ја исплива за 4:53:14 часа, што е нов рекорд на патеката.
![Италијанецот Алесио Окипинти победник на Охридскиот пливачки маратон, французинката Каролин Жуис најдобра кај жените](https://new.mia.mk/index.php/images/20230826151630_big_730x400_33.webp )
Охрид, 26 август 2023 (МИА) – Италијанскиот пливач Алесио Окипинти е победник на 36-тиот Охридски пливачки маратон. Тој патеката „Климе Савин“ од Свети Наум до Охрид ја исплива за 4:53:14 часа, што е нов рекорд на патеката.
Во женска конкуренција најдобра беше французинката Каролин Жуис, која замислената целна линија ја мина после 5:05:59 часа пливање.
Првите честитки на победниците на целта на Кејот на Охридското Езеро им ги упатија претседателот Стево Пендаровски, како и градоначалникот на Охрид, Кирил Пецаков.
Најдобриот наш пливач е Евгениј Поп-Ацев, кој целта ја мина како петтопласиран.
Наградниот фонд на трката изнесува 12 илјади евра, распределни соодветно за првите тројца во двете категории. аб/вј/
фото/МИА