Инфантино: Нема место за насилство во фудбалот
- Претседателот на ФИФА, Џани Инфантино, денеска остро го осуди вчерашниот инцидент во кој пред натпреварот меѓу Олимпик Марсеј и Лион во француското фудбалско првенство беше каменуван автобусот на гостинскиот тим.
![Инфантино: Нема место за насилство во фудбалот](https://new.mia.mk/index.php/images/20231030171208_big_730x400_20.webp )
Цирих, 30 октомври 2023 (МИА) – Претседателот на ФИФА, Џани Инфантино, денеска остро го осуди вчерашниот инцидент во кој пред натпреварот меѓу Олимпик Марсеј и Лион во француското фудбалско првенство беше каменуван автобусот на гостинскиот тим.
Во порака објавена на Инстаграм, првиот човек на ФИФА нагласи дека „апсолутно нема место за насилство во фудбалот“.
-За таквите настани, како што се случија во Марсеј пред натпреварот во Лига 1 меѓу Марсеј и Лион, нема место во нашиот спорт, ниту во нашето општество и апелирам до надлежните тела да обезбедат преземање соодветни мерки, напиша Инфантино.
Дерби натпреварот во рамки на десеттото коло во француското првенство меѓу Марсеј и Лион беше откажан, откако автобусот на гостинскиот тим беше каменуван вчеравечер на пат кон стадионот „Велодром“, при што тренерот Фабио Гросо беше сериозно повреден. ег/мс/
фото: „Х“