Интер Мајами ден по трансферот на Меси ги продаде сите билети до крајот на сезоната
- Интер Мајами, еден ден откако го реализира трансферот на Лионел Меси, продаде билети за сите натпревари до крајот на сезоната во МЛС, вклучително и гостувањата.
![Интер Мајами ден по трансферот на Меси ги продаде сите билети до крајот на сезоната](https://new.mia.mk/index.php/images/20230609112945_big_730x400_54.webp )
Мајами, 9 јуни 2023 (МИА) - Интер Мајами, еден ден откако го реализира трансферот на Лионел Меси, продаде билети за сите натпревари до крајот на сезоната во МЛС, вклучително и гостувањата.
Тамошните медиуми објавија дека клубот размислува да се пресели на поголем стадион. Клубот сега игра на стадионот Драјв Пинк, кој има капацитет од 18.000 луѓе.
Претходно беше објавено дека навивачите на Интер Мајами препродаваат билети за 9.000 долари.
Меси го објави својот трансфер во средата на 7 јуни. На 3 јуни Аргентинецот го напушти ПСЖ. За парижаните играше од летото 2021 година. Минатата сезона напаѓачот одигра 41 натпревар во сите натпреварувања, постигнувајќи 21 гол и 20 асистенции. зс/
Фото: ЕПА