Ерусалим, 18 мај 2021 (МИА) - Израелската армија ја гранатираше територијата на Либан во знак на одмазда откако беа истрелани ракети нејзината територија кон Израел.„Шест ракети беа испукани од Либан кон северен Израел и сите паднаа на територијата на Либан.Како одговор, нашите артилериски сили стрелаа кон цели лансирани од ракети“, соопшти израелската армија.Експлозиите се слушнаа околу кибуц Мисгав Ам во северен Израел, непосредно пред израелската армија да соопшти дека одговорила со артилериски оган.На социјалните мрежи се појави видео кое наводно го прикажува израелскиот одговор.Нејасно е точно колку ракети биле истрелани од територијата на Либан, бидејќи израелската армија соопшти дека станува збор за шест ракети, додека либански безбедносни извори посочуваат дека во прашање се три ракети.
Според либански воен извор, израелската армија истрелала 22 гранати.Нема извештаи за жртви или штети од двете страни.Мировната мисија на ООН во Либан, УНИФИЛ соопшти дека испалувањето ракети било забележано од областа Рашаја ал-Фукар, село близу границата, и дека Израел возвратил на огнот.Размената на огнот следеше за време на конфликтот меѓу Израел и Палестинците, кој трае со денови и во кој загинаа повеќе од 200 лица, а околу 1.500 беа повредени.Израелската армија соопшти дека ноќеска уништила 15 километри од тунелот во Газа што го користел Хамас и дека од Појасот Газа биле истрелани 90 ракети кон израелските градови. паг/
Mia.mk користи колачиња Ние користиме колачиња за да го подобриме вашето искуство со прелистување, да опслужуваме персонализирани реклами или содржини и да го анализираме нашиот сообраќај. Со кликнување на „Прифати“, се согласувате со нашата употреба на колачиња.
