За безбедноста на Самитот на Берлинскиот процес во Тирана ќе се грижат над 1.600 албански полицајци и гардисти
- - Сакам да го истакнам фактот дека Државната полиција и гардата за изготвување на планот на мерки и за утврдување на безбедносниот периметар за Самитот на Берлинскиот процес, соработуваа и со безбедносни експерти на земјите од ЕУ, со цел имплементирање на највисоките безбедносни стандарди, при спроведување на активностите од овие димензии. Исто така соработувавме и со другите органи на прогонот во земјава, како и со меѓународните организации Интерпол и Европол, за навремена размена на информации, рече Бижга.
![За безбедноста на Самитот на Берлинскиот процес во Тирана ќе се грижат над 1.600 албански полицајци и гардисти](https://new.mia.mk/index.php/images/20231014140822_big_730x400_53.webp )
Тирана, 14 октомври 2023 (МИА) – Албанската полиција и Националната гарда се подготвени да го гарантираат јавниот ред и мир и безбедноста пред, за и по одржувањето на Самитот на Берлинскиот процес што на16 октомври ќе се одржи во Тирана, изјави денеска заменик директорот на државната полиција, Сокол Бижга.
Во присуство и на претставник на гардата, тој ги презентираше мерките, кои опфаќаат посебен режим на сообраќај, како на возила така и на граѓани, додавајќи дека за безбедноста ќе бидат ангажирани над 1.600 полициски службеници и гардисти.
- Сакам да го истакнам фактот дека Државната полиција и гардата за изготвување на планот на мерки и за утврдување на безбедносниот периметар за Самитот на Берлинскиот процес, соработуваа и со безбедносни експерти на земјите од ЕУ, со цел имплементирање на највисоките безбедносни стандарди, при спроведување на активностите од овие димензии. Исто така соработувавме и со другите органи на прогонот во земјава, како и со меѓународните организации Интерпол и Европол, за навремена размена на информации, рече Бижга.
Според него на високо ниво е соработката со општина Тирана, властите на меѓународниот аеродром, контролните органи на воздухопловството, противпожарната служба и здравствените центри во Тирана.
-Почнувајќи од 20 часот на 15 октомври до крајот на самитот на 16 октомври во 20 часот, ќе биде забрането паркирање и сообраќај на возила и движење на граѓани, освен на граѓаните кои се жители на станбени згради во рамките на безбедносниот периметар, за што мапата е објавена и достапна на увид на јавноста. На 16 октомври во овој периметар нема да работат правните субјекти, трговски, угостителски и други. Државната полиција бара разбирање и соработка од сите граѓани, максимално да се намали употребата и циркулацијата на возила и да се користат другите улици, посочи Бижга.
Засилено присуство на полиција ќе има и од сите гранични премини до Тирана, од каде ќе пристигнуваат учесниците.
Во Тирана од 9 овој месец веќе се пристигнати 100 офицери од жандармеријата и француските безбедносни сили, што е поврзано со посетата на претседателот Емануел Макрон на Албанија.
Макрон ќе допатува во албанската метропола на 16 октомври и ќе учествува на Самитот на Берлинскиот процес, а следниот ден ќе има билатерални средби. Ова е прва посета на француски претседател во историјата на албанската држава. вт/сд/
Фото: МВР на Албанија