Франкфурт, 15 октомври 2024 (МИА) - Побарувачката за банкарски кредити во еврозоната е зголемена во третиот квартал, а се очекува да се зголеми и во последните три месеци од годинава, со поддршка на побарувачката на граѓаните за хипотекарни кредити, покажува денеска објавеното истражување на Европската централна банка (ЕЦБ). 

Кредитирањето на компаниите и домаќинствата во еврозоната закрепна во летните месеци кога Европската централна банка почна да ги намалува клучните каматни стапки, заклучувајќи дека го спречила растот на цените со својата рестриктивна монетарна политика.

„Условите за финансирање се сè уште рестриктивни, а економската активност сè уште е пригушена, што ја одразува слабата лична потрошувачка и инвестиции“, истакнаа тие на седницата во септември, намалувајќи ги каматните стапки за уште една четвртина од процентниот поен.

Претставници на управниот совет на ЕЦБ сигнализираа дека банката повторно ќе ги намали на седницата в четврток.

Банките, од друга страна, во услови на намалени трошоци за задолжување, пријавија умерен нето-зголемување на корпоративната побарувачка за заеми или повлекувања на кредитни линии во третиот квартал, за прв пат од третиот квартал на 2022 година, нагласувајќи сепак дека, во целина, е сè уште слаба, наведува ЕЦБ во резултатите од тримесечното истражување меѓу 156 големи кредитори.

Компаниите се повеќе бараат кредити, но не поради инвестиции, забележува ЕЦБ. рп/

Фото: МИА архива