Годинава зголемен број патници на двата аеродроми во земјава, од јануари до септември реализирани 17.683 слетувања и полетувања
- Бројот патници на двата меѓународни аеродроми во земјава за периодот јануари-септември оваа година достигна 2,65 милиони, што е за 30,2 насто повеќе во споредба со истиот период од минатата година, соопшти денеска „Aeroports de Paris“ (АДП).
![Годинава зголемен број патници на двата аеродроми во земјава, од јануари до септември реализирани 17.683 слетувања и полетувања](https://new.mia.mk/index.php/images/20231017174148_big_730x400_39.webp )
Охрид, 17 октомври 2023 (МИА) – Бројот патници на двата меѓународни аеродроми во земјава за периодот јануари-септември оваа година достигна 2,65 милиони, што е за 30,2 насто повеќе во споредба со истиот период од минатата година, соопшти денеска „Aeroports de Paris“ (АДП).
Само минатиот месец бројот патници на ародромите во Скопје и Охрид достигна 308.555, што е за 17,9 проценти повеќе од септември 2022 година, се вели во соопштението на „АДП“.
На двата аеродроми се реализирани 17.683 полетувања и слетувања во периодот јануари-септември, што исто така е зголемување за 19,3 проценти во споредба со првите девет месеци од минатата година.
Само во септември на двата аеродрома имало 2.339 полетувања и слетувања или 16,1 проценти повеќе отколку ланскиот септември.
Компанијата „АДП“ поседува 46 отсто од аеродромите со кои стопанисува турскиот „ТАВ“ што управува и со двата аеродроми во земјава. аб/лв/
фото/МИА архива