Во Неготино се изврши прскање против комарци
- На територијата на општината Неготино се спроведе прскање против комарци, информираше денеска неготинскиот градоначалник Горан Стојанов.
![Во Неготино се изврши прскање против комарци](https://new.mia.mk/index.php/images/20240607112428_big_730x400_18.webp )
Неготино, 7 јуни 2024 (МИА) - На територијата на општината Неготино се спроведе прскање против комарци, информираше денеска неготинскиот градоначалник Горан Стојанов.
- Со финансиски средства обезбедени од општинскиот буџет, синоќа во доцните вечерни и раните утрински часови на целата територија на општина Неготино се спроведе дезинсекција преку прскање против комарци. Прскањето се одвиваше од земја со користење на препаратот „аквакотрин“- еден од најефикасните за уништување на комарците и започна околу 22 часот, појасни градоначалникот.
На почетокот биле опфатени периферните делови од општината, а по полноќ кога и раздвиженоста е помала, се прскало во централното градско подрачје и останатите делови од Неготино. свд/дма/
Фото : Фејсбук на градоначалникот Горан Стојанов