Во Крушево пристигнаа ултрамаратонците кои трчаа во чест на Тоше Проески
- Во Крушево денеска пристигнаа ултрамаратонците кои трчаа во чест на Тоше Проески и се поклонија во спомен обележјето на Гумење.
![Во Крушево пристигнаа ултрамаратонците кои трчаа во чест на Тоше Проески](https://new.mia.mk/index.php/images/20221108202611_big_730x400_78.webp )
Крушево, 16 октомври 2021 (МИА) - Во Крушево денеска пристигнаа ултрамаратонците кои трчаа во чест на Тоше Проески и се поклонија во спомен обележјето на Гумење.
Крушевчани ултрамаратонците ги пречекаа со црвени рози.
Петмина ултрамаратонци пред два дена го започнаа симболичното истрчување на 15 километри од Нова Градишка, од местото на големата трагедија, а уште 10 ултрамаратонци, својот маратон до Крушево и до Гумењего го започнаа утредента, на 15 октомври, од граничниот премин Табановце, преку Скопје до Крушево. Помеѓу маратонците за првпат е и најстариот, 69-годишниот Ангел Малинов.
По повод 14-годишнината од загинувањето на Тоше Проески, во Крушево од изутрина пристигнуваат негови фанови од земјава и од Хрватска, Бугарија и Русија. Дел од нив изразија желба ултрамаратонот да се вика „Маратон на љубовта“. ем/ар/
![Тоше Годишнина 1](/articles/images/%d0%b2%d0%be-%d0%ba%d1%80%d1%83%d1%88%d0%b5%d0%b2%d0%be-%d0%bf%d1%80%d/mDXup6bHY/placeholder.webp?use_watermark=0)
![Тоше Годишнина 3](/articles/images/%d0%b2%d0%be-%d0%ba%d1%80%d1%83%d1%88%d0%b5%d0%b2%d0%be-%d0%bf%d1%80%d/wixLjxEpY/placeholder.webp?use_watermark=0)