Кочани, 14 декември 2025 (МИА) - Со цел да се подобри степенот на јавната чистота во текот на викендот екипи на КЈП „Водовод“ од Кочани реализираа акција за чистење на улиците и тротоарите низ градот. 

- Активностите беа насочени кон јавни површини на кои подолг период немало одржување и собирање на отпад, велат од локалната самоуправа на Општина Кочани.

Мобилните екипи на комуналното претпријатие  го исчистија потегот од чешмата во „Стришани“ кон „Белското маало“, како и потегот од Џамијата над градскиот пазар кон рекреативниот центар „Бавчалук“, долж улицата „Гоце Делчев“.

Градоначалникот Грозданов нагласи дека ваквите акции ќе продолжат и во наредниот период.

– Одржувањето на јавната чистота е наша заедничка одговорност. Општината и комуналните служби ќе продолжат со редовни интервенции, но апелирам и до граѓаните со совесно однесување да придонесат за почисто и поуредно Кочани – нагласи, Грозданов. ис/мд/

фото: Општина Кочани