Во дебарската градинка нема невакцинирани деца со ДиТеПер, а нема ни заразени
- Во детската градинка „Брешија“ во Дебар нема невакциирани дечиња со ДиТеПер, потврди за медиумите директорката Ајрие Дачи.
![Во дебарската градинка нема невакцинирани деца со ДиТеПер, а нема ни заразени](https://new.mia.mk/index.php/images/20240312180659_big_730x400_63.webp )
Дебар, 12 март 2024 (МИА) – Во детската градинка „Брешија“ во Дебар нема невакцинирани дечиња со ДиТеПер, потврди за медиумите директорката Ајрие Дачи.
Според неа, во оваа установа, во која се згрижени 330 деца, до сега нема заразено дете со голема кашлица, но состојбата внимателно се следи и редовно се вршат контроли.
Во службата за вакцинација при Општата болница со проширена дејност имунизацијата се реализира тековно, што, како што потврдуваат одговорните, е резултат на фактот дека родителите редовно ги носат децата, според картонот за вакцинација.
Во текот на минатата година, процентот на опфатеност со имунизација на децата во општините Дебар и Центар Жупа, кои со својата активност ги покрива дебарската болница, изнесува 95 отсто, што е намалување за 2 отсто споредено со претходната година. Тоа како последица на преселбата на семејството во друг град во државава или во странство. вт/мд/
Фото: МИА