Во американскиот конгрес поднесена предлог-резолуција за признавање на Накба
- Американската конгресменка со палестинско потекло Рашида Тлаиб претстави предлог-резолуција за признавање на палестинската Накба, термин кој се однесува на масовното протерување на Палестинците од нивната татковина за време на создавањето на Израел во 1948 година
![Во американскиот конгрес поднесена предлог-резолуција за признавање на Накба](https://new.mia.mk/index.php/images/20240516094931_big_730x400_57.webp )
Вашингтон, 16 мај 2024 (МИА) – Американската конгресменка со палестинско потекло Рашида Тлаиб претстави предлог-резолуција за признавање на палестинската Накба, термин кој се однесува на масовното протерување на Палестинците од нивната татковина за време на создавањето на Израел во 1948 година.
Оваа резолуција, која ја одбележува 76-годишнината од Накба и промовира свесност и разбирање за овој историски настан, исто така го повикува Конгресот да ја врати поддршката за Палестинската агенција на ОН за бегалци (УНРВА).
САД го суспендираа финансирањето на УНРВА по израелските наводи дека некои од персоналот на Агенцијата биле поврзани со нападот на Хамас на 7 октомври, за што Тел Авив не обезбеди докази. ми/
фото: МИА архива