Лондон, 27 јули 2023 (МИА) - Извршниот директор на Мерцедес, Тото Волф, рече дека тимот нема да се откаже од обидот да го подобри својот болид како што напредува сезоната.

Волф го наведе Мекларен како пример за значителен напредок на тимот во последните трки во споредба со слабиот почеток на сезоната.

- Не би сакал да се откажам во текот на сезоната, ниту една сезона. Како што можете сами да видите, Мекларен успеа да ја победи целата конкуренција благодарение на ажурирањето - и самиот тим не очекуваше дека ова ажурирање ќе биде толку моќно. Што и да беше, тие веројатно се подобрија околу секунда во круг, ги победија Астон Мартин, Ферари и се претворија во многу силни противници, претенденти за највисоките места. Додека на почетокот на сезоната генерално не беа способни за ништо. Затоа, треба само да продолжиме да работиме, да навлеземе подлабоко во тоа, да го подобриме болидот и да го развиваме неговиот потенцијал. Нема да се откажеме, изјави Волф.

Мерцедес до пред две сезони доминираше во Формула 1, но многу заостанува зад тимот на Ред Бул. зс/

Фото: ЕПА