Верстапен: Мекларен ги има најдобрите возачи помеѓу сите конкуренти на Ред Бул
- Актуелниот шампион во Формула 1, Макс Верстапен искажа комплименти за пилотите на Мекларен.
![Верстапен: Мекларен ги има најдобрите возачи помеѓу сите конкуренти на Ред Бул](https://new.mia.mk/index.php/images/20231016100422_big_730x400_36.webp )
Лондон, 16 октомври 2023 (МИА) – Актуелниот шампион во Формула 1, Макс Верстапен искажа комплименти за пилотите на Мекларен.
Возачот на Ред Бул смета дека Ландо Норис и Оскар Пјастри се најдобриот тим меѓу ривалите.
- Можеби ова е најстабилниот тим во споредба со другите гонители. Навистина верувам дека тимот го има најдобриот состав од сите нив. Возачите на Мекларен работат многу добро. Ќе биде интересно да се види што ќе се случи на крајот од сезоната. И ќе видиме каде се сите на почетокот на следната сезона, изјави Верстапен./
Холанѓанецот веќе ја обезбеди новата шампионска титула, трета во низа. зс/
Фото: ЕПА