Верстапен го израмни рекордот во Ф1 за последователни пол-позиции
- Возачот на Ред Бул, Макс Верстапен, повтори достигнување кое не беше постигнато повеќе од 30 години.
![Верстапен го израмни рекордот во Ф1 за последователни пол-позиции](https://new.mia.mk/index.php/images/20240518183423_big_730x400_3.webp )
Имола, 18 мај 2024 (МИА) - Возачот на Ред Бул, Макс Верстапен, повтори достигнување кое не беше постигнато повеќе од 30 години.
Холанѓанецот беше најбрз во денешните квалификации за Големата награда на Емилија-Ромања и го повтори рекордот на уште еден трикратен шампион во Формула 1, Аиртон Сена, освојувајќи осум пол-позиции по ред. Сена успеа да го стори тоа во 1988-1989 година.
Покрај тоа, Верстапен го повтори рекордот за последователни пол-позиции на почетокот на сезоната - во 1993 година, Ален Прост освои седум квалификации по ред.
Главната трка на патеката „Енцо и Дино Ферари“ ќе се вози утре со почеток во 15 часот. зс/
Фото: ЕПА