Велешани синоќа над небото ги забележаа малите сателити „Старлинк“
- Жителите на Велес синоќа над небото околу 18 часот забележаа мали сателити наредени како воз, а некои ги фотографираа мистериозните летечките објекти и фотографиите ги објавија на социјалн
![Велешани синоќа над небото ги забележаа малите сателити „Старлинк“](https://new.mia.mk/index.php/images/20221105123126_big_730x400_88.webp )
Велес, 5 декември 2020 (МИА) - Жителите на Велес синоќа над небото околу 18 часот забележаа мали сателити наредени како воз, а некои ги фотографираа мистериозните летечките објекти и фотографиите ги објавија на социјалните мрежи. Велешни вакви сателити забележуваа по вторпат годинава, откако за првпат ги видоа околу Велигден. Многумина од нив имаа дилеми што се мистериозните објекти кои светлеа над градот.
Овие мали објекти распоредени во колона како воз што така мистериозно го зафатија небото над градот се малите сателити „Старлинк“ на компанијата „Спејс Икс“ на Илон Маск, американски милијардер, индустриски дизајнер и инженер. Со овие сателити секој тежок 227 килограми треба да се овозможи целата планета Земја да биде покриена со интернет. Проектот започна во 2015 година, а до 22 април биле лансирани 417 вакви сателити над Земјината топка и компанијата имала во план тоа да го прави на секои две недели.ад/фф/