Бостон избори четвртфинале, Далас поведе против ЛА клиперс во плејофот на НБА
- Екипата на Бостон селтикс ноќеска го победи Мајами хит со 118:84 и со вкупно 4:1 ја доби серијата во првото коло од плејофот на НБА-лигата.
![Бостон избори четвртфинале, Далас поведе против ЛА клиперс во плејофот на НБА](https://new.mia.mk/index.php/images/20240502082721_big_730x400_92.webp )
Бостон, 2 мај 2024 (МИА) – Екипата на Бостон селтикс ноќеска го победи Мајами хит со 118:84 и со вкупно 4:1 ја доби серијата во првото коло од плејофот на НБА-лигата.
Противник на Селтикс во четвртфиналето ќе биде поуспешниот од пресметката Кливленд кавалирс – Орлано меџик (3:2 по пет натпревари).
На вториот натпревар одигран ноќта среда кон четврток, Далас маверикс убедливо го совлада Лос Анџелес клиперс со 123:93. Далас до третата победа во серијата прв до четири дојде најмногу по заслуга на Лука Дончиќ кој постигна 35 поени.
Во четвртфиналето победникот од двојката Далас – ЛА клиперс ќе игра со Оклахома Сити. зс/
Фото: ЕПА