Честер, 15 јули 2023 (МИА) – Поранешниот фудбалер на Олимпик Марсеј, Монако и Манчестер сити, 28-годишниот Французин Бенџамин Менди, е ослободен од обвиненијата за силување и обид за силување.

Ослободителната пресуда ја донесе поротата во судот во англискиот град Честер, составена од шест жени и шест мажи, а додека претседателката на поротата ја читаше пресудата поранешниот француски репрезентативец се расплака.

Членот на француската репрезентација, која во 2018 година ја освои светската титула, беше обвинет за силување на 24-годишна девојка во октомври 2020 во својата вила, додека 29-годишна девојка го обвини за обид за силување, кој, наводно, се случил на истото место две години порано.

Менди од почетокот ги негираше обвинувањата и тврдеше дека средбите со девојките биле на доброволна основа од двете страни.

„Менди сака да им се заблагодари на членовите на поротата кои за време на овој судски процес се фокусираа на доказите, а не на гласините кои го следеа овој случај“, соопшти адвокатскиот тим на францускиот фудбалер. ег/паг/

Фото: Твитер