Анчелоти незадоволен од состојбата на теренот на натпреварот против Селта
- Тренерот на Реал Мадрид, Карло Анчелоти се осврна на синоќашниот натпревар со Селта (2:0) во 30. коло на Ла Лига.
![Анчелоти незадоволен од состојбата на теренот на натпреварот против Селта](https://new.mia.mk/index.php/images/20230423075939_big_730x400_78.webp )
Мадрид, 23 април 2023 (МИА) - Тренерот на Реал Мадрид, Карло Анчелоти се осврна на синоќашниот натпревар со Селта (2:0) во 30. коло на Ла Лига.
- Мислам дека атмосферата околу нас многу ни помага и ни овозможува да го дадеме максимумот, па дури и повеќе. Затоа мислам дека сите играчи им се благодарни на нашите навивачи кои секогаш ни даваат многу љубов. Има проблем со теренот, се работи на него и се надеваме дека ќе најдат решение. Јасно е дека тековната работа влијае на квалитетот на тревата и тоа не е чудно. Мораме да издржиме. Но, ситуацијата ќе се промени пред натпреварот со Манчестер сити во Лигата на шампионите, изјави Анчелоти.
Реал Мадрид е на второто место во Ла Лига со 65 бодови, осум помалку од лидерот Барселона која има и натпревар помалку. зс/
Фото: ЕПА