Бaку, 12 ноември 2024 (МИА) -  Азербејџан ќе направи се за да најде заедничко разбирање меѓу земјите во развој и развиените земји, меѓу глобалниот југ и глобалниот север, изјави денеска претседателот на Азербејџан Илхам Алиев на отворањето на Самитот на светските лидери КOП29 за климатските промени во Баку.

Алиев рече дека мегапроектите што ги започна Азербејџан ги променија енергетските и транспортните рути во Евроазија.

„Северот, југот, западот и истокот се токму местото на средба на Азербејџан. Овде енергијата, културата, вклучително и транспортот, се одвиваат меѓу различни меѓународни учесници. Мега-проектите што ги започна Азербејџан веќе ги променија енергетските и транспортните рути во Евроазија. Со ова воспоставивме продуктивен формат на мултилатерална соработка“, нагласи Алиев. зш/
фото ЕПА