Мадрид, 9 октомври 2021 (МИА) - Напаѓачот на Реал Мадрид, Лука Јовиќ, може да го напушти мадридскиот клуб, објави Николо Шира. Според италијанскиот новинар, агентот на 23-годишниот Србин работи на заминување на играчот од Реал Мадрид во зимскиот преоден рок. Во исто време, Интер е заинтересиран да го изнајми фудбалерот во јануари. Во тековната сезона, Јовиќ одигра пет натпревари за Реал Мадрид, на кои оствари една асистенција. Србинот го помина вториот дел од сезоната 2020/21 во Ајнтрахт Франкфурт, постигнувајќи четири гола на 18 натпревари во Бундеслигата. зс/